افـــــرحــــــوا….من مذكرات شابة في الأربعين …الجزء الثالث عشر

قررت أسعد عائلتي ولكن بطريقتي ………….

أقتحم الهدوء كعادتي : أبي , أمي أنا قررت أفرحكوا. أبي: خير يا جميله يا بنتي ! أمي : كيف ستفرحينا ؟ ابي: كيف ستفرحينا , اهناك ما لا اعلمه؟ ابى انا قررت افركوا واعمل فرح ابي ضاحكاً :كيف ذلك ؟ ستتزوجين نفسك مثلا !!! بالضبط ابي .. امي: انتي اجننتي ؟! أرد بكل ثقة : ابدا امي انا في كامل قواي العقليه . ابي :تعالي في حضني يا جميله ,فاكره زمان اما كان حد يزعلك تيجي تجري لحضني ,خير يا بنتي في مشكله في حياتك لا اعلم بها؟ لا يوجد عندى. اى مشاكل انا قررت اعمل فرح والبس فستان واحجز قاعه واعمل زفه اليس هذا ما يعنيه الفرح بالنسبه لكم ولكن الفرق اني ساكون عروسه بدون عريس ,ونعزم الاهل والاصدقاء وامي تفرح … وفقط . امي في ذهول ودهشة : وفقط !! روحي من قدامي دلوقتي احسنلك . ابي : روحي يا جميله دلوقتي ربنا يهديكي . طيب ذي ما تحبو . ……………………

استغرق تجهيز القاعه وحجز الفستان وتبليغ الاصدقاء اسبوعين بالتمام والكمام وكانت كل حاجه جاهزه ,وكنت كمان مستعده لفرحي وكنت مبسوطه جدا وفخوره بالخطوه دي .. ابحث عن ابي لاجده بالجراج يصلح السيارة أهتف منادية :بابا يا بابا … ليأتيني صوت أبي : نعم يا جميله خير تعالي أنا هنا . أزيك يا بابا مقبله أياه ابي : اهلا يا جميلتي خير كيف حالك ؟ في حاجة مهمه عاوزه اقولك عليها انا حجزت القاعه وعزمت اصدقائي, واخترت الفستان وكل شئ تمام والفرح بعد 10أيام من النهارده . أبي في حدة:فرح من ؟! واصدقاء ايه ؟! وفستان ايه ؟! من اسبوعين كلمتك عن فرحي.

ابي : انتي بتتكلمي بجد ولا بتهزري. جد جدا يا بابا ,حجزت قاعه كده متوسطه الحال كده علي اد فلوسي وفستان جميل . ابي: انتي بتعملي كل دا ليه ؟ عشان تفرحوا لو دا معني الفرح بالنسبه ليكو . ابي في حزم : ارفض الفكره دي وبشده ومش هسمحلك تعملي اراجوز , قال تفرحينا قال دا قراري انا خلاص حجزت القاعه والفستان وعزمت اصدقائي تتدخل امي :خير يا بوجميله مالك في ايه ؟ ابي: تعالي شوفي بنتك بتقول ايه قال ايه حجزت فستان وقاعه والفرح بعد 10يوم. امي باستغراب: فرح مين ؟ جميلة! ابي : ايوه فرح جميلة . امي في تعجب ودهشه اكبر : ومين العريس ؟؟! اتدخل هنا : لا يا امي مفيش عريس امي في ذهول : يعني ايه مافيش عريس ؟ انتي عاوزه تفرحي وخلاص وانا هفرحك وخلاص, ماما الحياه مش راجل وفتي أحلام وخلاص في حاجات أهم ,أنتي عاوزه تفرحي وأنا هفرحك بس …

ابي بعصبيه : بس مش هسمح بالمهزله دي وينظر لأمي عقلي بنتك . امي في عصبيه اكثر : انتي في حد لاعب في دماغك ولا ايه يا بت ؟فوقي لنفسك عاوزه تضحكي الناس علينا ولا ايه ؟؟ انتي بتجبي الافكار دي منين ؟؟ يادي الناس انتي مش عاوزه تفرحي .. هفرحك بطريقتي . تهدئ امي وتحاول استيعاب الكلمات :انا فعلا عاوزه افرح بس مش بالطريقه دي, دا هبل. وهتفرحي برضه بصي للموضوع بشكل مختلف . امي في نوبه غضب :مش هسمح بحاجه ذي كده اعقلي أحسن .. ……..

بعد أسبوع من الصمت محدش عاوز يتكلم معايا في الموضوع , قررت احضر فرحي لوحدي … هاتفي يرن الو .. وعليكم السلام ..بخير يا أدهم, في ايه ؟! طب تمام بعد ساعه اشوفك غريب اووي في ايه ؟؟؟ بسأل نفسي . امي: مالك بتكلمي نفسك كمان ؟ لا كنت بكلم أدهم هنروح الكليه نحضر مؤتمر هناك . امي: وماله .. هو اتجوز ولا لسه لا لسه .. انا هخرج سلام امي سلام يا بنتي ربنا يهديكي .سلمي علي أدهم كتير . ……………..

أدهم :اهلا بجميله الجميلات بخير يا أدهم ,أزيك عامل ايه ؟ أدهم : أنا بخير الحمد لله . يارب دايما,ماما بتسلم عليك كتير أدهم:اه ماهي كانت مع ماما الصبح, الله يسلمك ويسلمها . اها هي الحكايه كده بقه .. أدهم : جميله امك مضايقه من الي بتعمليه دا وانا كمان. بدا صديقي الصدوق حزين أكثر مما ينبغي أقاطعة : أدهم فين الدبله ليه مش في إيدك ؟؟ أدهم : لا ما أنا خلاص سيبتها إختلفنا علي لون السيراميك ,ويصاب بنوبه ضحك هيستيري بلهجة يشوبها الاستفهام بالشفقة : ما كنش لازم سيراميك يا أدهم !؟ أدهم : منا وهي قلنا كده ..بس أمي مكنتش حباها,و مفيش نصيب هي إتجوزت دلوقتي وانا خطبت بنت خالتي اجباري عشان ارضي امي ,امي عاوزه كده . انتي برضه مش بخير ,هتعملي فرحك لوحدك صحيح ؟؟؟ أرد بفرح : اها منتا عارف .. أدهم : هي فكره مجنونه بس مامتك مضايقه وكلمت ماما النهارده وانا هنا النهارده عشان كده ,جميله مينفعش تضحكي الناس علينا بلهجه آمره : انت معايا ولا ؟؟ أدهم :انتي عارفه اني معاكي في جميع الاحوال,بس فكره سخيفه صدقيني وليه عشان ترضي مين ؟وبعدين انت كل يوم عندكو عريس في البيت,ما توافقي علي واحد وتفرحي بجد ؟ مش بكون مرتاحه ولا مبسوطه أعمل إيه يعني !باقي كام يوم ودي فكره جميله وعجباني ,بعد كده أي بنت اهلها عاوزين يجوزوها وخلاص هتعمل مثلي والموضوع هيبقي عادي هو عشان فكره جديده بس,وبعدين شوفتها في فيلم قبل كده عادي والله هيبقي يوم حلو أدهم : افلام ايه بس يعني الي عملوا الفيلم دا يقدروا يعملوه في الحقيقه شغل سيما يا جميلة .. طب في فكره تانيه حلوه انت تتقدملي ووافق عليك ونعمل الخطوبه في ميعادها.. بدا الذهول علي وجهه صديق لأتابع :كده وكده يعني وشويه نفرحهم وبعدين نسيب بعض,منها تسيب بنت خالتك وتفرح امك وانا افرح امي وشويه ونسيب بعض , ها ايه رايك ؟؟؟ أدهم : انتي مين ؟؟!!! لا انتي اكيد بتهزري ؟؟بتجيبي الافكار دي منين ؟! بالعكس انا جد جدا قرأت القصه دي قبل كده اتنين اصدقاء عملو كده فعلا,بس تخيل ان المؤلف اما كلمته قالي انها مجرد فكره سخيفه اوعي تجربيها هتندمي قالي دي مجرد قصه بس هو مسئول عن الافكار الي بيصدرها لو شايفها سخيفه مكنش لازم يكتبها أدهم : شوفتي مش قولتلك , مجرد قصص بيكتبوها … فاكره زمليتنا هند ؟؟ اه طبعا فاكراها .. أدهم :عرضت عليه الفكره دي قبلك ونفذنها . نااااعم ! دي مش مجرد قصه بقه ! أدهم : كانو عاوزين يجوزوها غصب عنها لواحد هي مش بتحبه ومش مرتاحه,وانا كنت لسه سايب خطيبتي وامي مصممه اني اتجوز بنت خالتي ,هاعمل ايه اتقدمتلها  ووافقت وكانو الاهل متافهمين بس امي زعلت ابوها في الكلام فرفضونا..

في تعجب !!انتوا غلبتو بتوع السيما … وانت اصلا بتحب هند؟ أدهم : لا.. ولا هي , هي كانت خدمه إنسانيه .. ساخره أرد : طب ما تعمل خدمه إنسانيه تانى. أدهم : لا كفايه خدمات انا الي بفكر فيه دلوقتي هخلص من بنت خالتي دي اذاي؟ عادي جدا اهرب وسيب البيت … أدهم :انتي مفيش حاجه فارقه معاكي اهرب اذاي يعني ؟؟ يوم الفرح سيبها واهرب عادي جدا .. أدهم : والله دي مهما كان بنت خالتي ذي اختي يعني,تعرفي قبل ما اخطب بنت خالتي اتقدمت لكام واحده كده امي الي اختارتهم والله … بس مفيش نصيب, هو انا ناقصني حاجه يا جميله ؟؟ بدا الحزن واضح بعينيه الحياه نصيب اكتر من كونها قرارات …. لا تقلق ,كل شئ نصيب. اخرج بره نفسك شويه وبعدين ارجع تاني … أدهم : انتى رهيبه بتجيبي الافكار دي منين ؟ نفسي طبعا بس مهما اهرب هرجع لحياتي تاني .. هههه…. معاك حق مهما تهرب هترجع تاني أبتسم قائلة : تفتكر يا أدهم لو كل أتنين ارتاحو لبعض اتجوزوا بعض , المشاكل هتيجي منين ؟

يقتطب جبين صديقي قليلا مفكرا بصوت عالي : مش فاهم قصدك إيه ؟ أكمل حديثي أكتشفت مؤخرا يا أدهم اننا بنملي الفراغات الي في حياتنا . أدهم بدهشة : يعني إيه ؟ أقولك يعني ايه , يعني أنت مثلا كنت بتحب واحده وبعدين اتجوزت ,فبدأت تدور علي غيرها عشان تملي الفراغ ليس الا .سمعت مره جمله بتقول” الزواج عيشة اما الحب مزاج ” أيه رأيك ؟؟ أدهم : أنتي ايه رأيك ؟ اتسأل : ايه هو الحب أصلا ؟ بعيون حزينه : يوم ما تحبي مش حتسألي ايه هو الحب . أتابع حديثي : أنا محبتش قبل كده أعتقد ان الحب وهم ..خيال.. حقيقه مجهوله حاجه بنضحك بيها علي نفسنا , العيشه والمزاج أساسي بيكملوا بعض ..انت حبيت قبل كده أيه رأيك؟ أدهم : بصي أنا معاكي طبعا بس من خلال تجربتي عرفت أن العيشه اهم من المزاج ..لو مفيش عيشه هيموت الحب . أقاطعه : ازاي يعني ؟ أدهم مكملا حديثه :بصي المحب لا يجوع والجائع لا يحب دي مقوله برضه سمعتها. أسخر من كلامات صديقي : يعني انت متعرفش تحب علي معده خاليه ؟! يضحك مكملا حديثة:الحب مش هو الجواز , الحب حاجه والجواز حاجه تانيه , الحب مزاج اما الزواج حياة , الزواج يعني تاكلي وتشربي وتلبسي وتسكني و مسئولية,الحب بقه كلام حلو , مناظر حلوه , أغان , جوابات . اممممم … يمكن معاك حق بس انا مش هتجوز غير الي احبه . أدهم :يستحيل تلاقي العيشه والمزاج في شخص واحد . لو استنيتي علي الجواز لغايه ما تتجوزي الي بتحبيه عمرك ما هتتجوزي . ولو استنيتي علي الحب لغايه ما تحبي الي تتجوزيه عمرك ما هتحبي أغلب قصص الحب لا تنتهي بزواج. امال اتجوز ليه ؟؟؟ أدهم : علشان لازم تتجوزي زي ما الراجل لازم يشتغل البنت لازم تتجوز , علشان ما حدش يقول با يره , عشان تبقي ست بيت , وتبقي أم . أقاطعه: انا اصلا مبسوطه مش محتاجه حد في حياتي يا أدهم . أدهم يبتسم : الزواج حياه مش مجرد احتياج,اوعديني تفكري تاني في موضوع الحفله الي عاوزه تعمليها دي ؟؟ امممم ..طيب ماشي .. هفكر؟ وانت هتتجوز قريبتك ؟ يصمت قليلا ويفكر كثيراً:ربنا يصلـح الحال . علشان ما حدش يقول با يره , عشان تبقي ست بيت , وتبقي أم . أقاطعه: انا اصلا مبسوطه مش محتاجه حد في حياتي يا أدهم . أدهم يبتسم : الزواج حياه مش مجرد احتياج,اوعديني تفكري تاني في موضوع الحفله الي عاوزه تعمليها دي ؟؟ امممم ..طيب ماشي .. هفكر؟ وانت هتتجوز قريبتك ؟ يصمت قليلا ويفكر كثيراً:ربنا يصلـح الحال