النهاردة كان يوم شغل عادي..وده العادي..مافيش اجازات ولازم تقدم شوية تنازلات في الشغل عشان تبقي حلو ..بردوه عادي... ثانيا هو الانسان في مصر ايه غير مجموعة تنازلات فوق بعضها..ولما تقبل ان يكون ده العادي ..فالعادي هيفرح بيك ويقولك مبروك خسرت محاوله انك تكون انسان مش عادي واتفضل خش علي المستوي التاني وتنازل تاني ومش عادي بس انت بقدراتك هاتخليه عاااادي وهكذا وهكذا....عدي الجزء النظري من الشغل وقولت النهاردة مافيش عملي وعليه اروح اتمشي شويه علي البحر واتكلم معاه وافضفض ..دا حبيبي من زمان من ايام ما كان في البحر سمكة بتزق سمكة وعالشط واقف صياد بشبكة بينادي علي النورس ويغنيلهم ويقولوهم ياطيور النورس يالي مقابليني,غنوا سوا كوراس واهتفوا ورا مني ,حياة البحر بحر حياة... ياااااه....جايلك يابحر اقعد معاك شوية ..احكيلك عليي كان واللي جري ليا...
قولت اروح عند بحر جليم علي الرملة وافرش منديلك عالرمله وانا لف واجيلك عالرمله واسمع مواويلك عالرمله...وفي خطاي المسرعة نحو المش العادي لاقيت اتنين عساكر بيوقفوني ويوفوقوني ويقولولي ممنوع!!!...
انا :هو ايه اللي ممنوع عايز انزل اقعد...
هما: ممنوع
انا : ليه
هما :ممنوع
انا : ايه؟؟؟!!!!!!................ عارفين اللي بيعمل حادثة وتخبطوا عربيه بيحصلوا ايه.. ملخص شريط عمره كله بيعدي قدامه في لحظات واضحة وكمان بوجهة نظر تانية خالص ...وهو ده اللي حصلي لما سمعت ردهم. .....بحر جليم؟؟!!!!! ياااااااه يابحر..دا في مقام جدي ويمكن اكتر ...دنا قعدت معاه اكتر ما قعدت مع جدي....بحر جليم؟؟؟!! دا عيشتي وطقولتي كلها ...كان شئ مقدس ان امي وانا وجارتنا وابنها بعد العصر نتغدي هناك ونطير طيارات ..حتي لما هما كانوا بيروحوا المنتزة ,كانت امي بتروح جليم وفي ركن هادي تقولي انطلق وعيش ...ياما بنيت بيوت ورسمت علي رمله جليم ... كان احلي يوم لما شوفت زميلتي في ابتدائي مع اخوها منورة وهي لابسه فستان ابيض قصير وشعرها الدهبي ديل حصان ...وكان اول مرة اشوفها بره المريله الصفرا..دنا يامؤمنين يوم مااول مرة في حياتي اكتب جواب.. واللي كان ليها.. روحت البحر اقوله اكتب ايه ..والغريب انه سمعني اغنية فيروز "بكتب اسمك" والغريب اكتر اني فهمت مغزي الاغنية وقررت احتفظ بالجواب لنفسي......بحر جليم؟؟!!!! ياااه يابحر ....كبرنا والبحر كبر معانا ...كنت بروح اغنيله البحر بيخطفي يحكيلي ويغني ..وعدي الهوي عدي ..الله يمسيها بالخير حنان ماضي.. ويااااسكندراني شطك ندهني رجعت تاني...وعارفه....دانا يامؤمنين حبيت القناه الخامسة عشان خاطر بحر جليم...دنا حبيت اكل الجيلاتي في الشتا عشان ارتبط بأسمك .....حتي النداهة اللي كانت بتطلعلي من سنة كانت من بحر جليم ..اقوم اغيب عنك شوبة الاقيك اتحبست..والضحكة مابقتش مرسومة علي موجتك..ولا تضحك ليه... اصل الحكاية ماضحكش.
..................................................................................
فوقت من الصدمة وحاولت ألملم اشلاء ذكرياتي واروح لأي صيدلي اخد حباية نوستالجين...دي حباية كل ماذكرياتي تنقح عليا اخدها جنب كونسبت الحمدلله علي نص كوبايه مية من البحر ....
مشيت قبل مامواطن وطني متوطن يقولي مش احسن من بحر سوريا وليبيا واليمن؟!!....
مشيت ووشوش العساكر بتقولي ايييييييييييييييييييه انت نسيت نقسك ولا ايه؟؟....هووو اصحي... انت نسيت القاعدة ولا ايه...اياك تعيش عيشة المش عادي ...عيش عيشة اهلك وارضي بالعادي اللي هو في الاصل مش عادي...............................
اه ياجليم يا بحر الغلابه....الغيم هش حملانك وسكن مكانهم ديابه
قولت اروح عند بحر جليم علي الرملة وافرش منديلك عالرمله وانا لف واجيلك عالرمله واسمع مواويلك عالرمله...وفي خطاي المسرعة نحو المش العادي لاقيت اتنين عساكر بيوقفوني ويوفوقوني ويقولولي ممنوع!!!...
انا :هو ايه اللي ممنوع عايز انزل اقعد...
هما: ممنوع
انا : ليه
هما :ممنوع
انا : ايه؟؟؟!!!!!!................ عارفين اللي بيعمل حادثة وتخبطوا عربيه بيحصلوا ايه.. ملخص شريط عمره كله بيعدي قدامه في لحظات واضحة وكمان بوجهة نظر تانية خالص ...وهو ده اللي حصلي لما سمعت ردهم. .....بحر جليم؟؟!!!!! ياااااااه يابحر..دا في مقام جدي ويمكن اكتر ...دنا قعدت معاه اكتر ما قعدت مع جدي....بحر جليم؟؟؟!! دا عيشتي وطقولتي كلها ...كان شئ مقدس ان امي وانا وجارتنا وابنها بعد العصر نتغدي هناك ونطير طيارات ..حتي لما هما كانوا بيروحوا المنتزة ,كانت امي بتروح جليم وفي ركن هادي تقولي انطلق وعيش ...ياما بنيت بيوت ورسمت علي رمله جليم ... كان احلي يوم لما شوفت زميلتي في ابتدائي مع اخوها منورة وهي لابسه فستان ابيض قصير وشعرها الدهبي ديل حصان ...وكان اول مرة اشوفها بره المريله الصفرا..دنا يامؤمنين يوم مااول مرة في حياتي اكتب جواب.. واللي كان ليها.. روحت البحر اقوله اكتب ايه ..والغريب انه سمعني اغنية فيروز "بكتب اسمك" والغريب اكتر اني فهمت مغزي الاغنية وقررت احتفظ بالجواب لنفسي......بحر جليم؟؟!!!! ياااه يابحر ....كبرنا والبحر كبر معانا ...كنت بروح اغنيله البحر بيخطفي يحكيلي ويغني ..وعدي الهوي عدي ..الله يمسيها بالخير حنان ماضي.. ويااااسكندراني شطك ندهني رجعت تاني...وعارفه....دانا يامؤمنين حبيت القناه الخامسة عشان خاطر بحر جليم...دنا حبيت اكل الجيلاتي في الشتا عشان ارتبط بأسمك .....حتي النداهة اللي كانت بتطلعلي من سنة كانت من بحر جليم ..اقوم اغيب عنك شوبة الاقيك اتحبست..والضحكة مابقتش مرسومة علي موجتك..ولا تضحك ليه... اصل الحكاية ماضحكش.
..................................................................................
فوقت من الصدمة وحاولت ألملم اشلاء ذكرياتي واروح لأي صيدلي اخد حباية نوستالجين...دي حباية كل ماذكرياتي تنقح عليا اخدها جنب كونسبت الحمدلله علي نص كوبايه مية من البحر ....
مشيت قبل مامواطن وطني متوطن يقولي مش احسن من بحر سوريا وليبيا واليمن؟!!....
مشيت ووشوش العساكر بتقولي ايييييييييييييييييييه انت نسيت نقسك ولا ايه؟؟....هووو اصحي... انت نسيت القاعدة ولا ايه...اياك تعيش عيشة المش عادي ...عيش عيشة اهلك وارضي بالعادي اللي هو في الاصل مش عادي...............................
اه ياجليم يا بحر الغلابه....الغيم هش حملانك وسكن مكانهم ديابه
ليست هناك تعليقات:
إرسال تعليق