راكب قطار مكيف (من غير شبابيك ولا ابواب ) من فيافي وقفار مطروح وقبل مايطلع القطر المتحزم في مواعيده (علي واحدةونص بعد ميعاده الرسمي) قولت اكسر الرجيم القاسي اللي عامله لنفسي واعزم نفسي بقة علي رغيفين سوخنين وفلافيتين طلعين من غطس زيت موبيل1 واشبرأ نفسي بالكبيرة بقة علبة عصير ماركة "اشرب وانت ساكت واحمد ربنا عالنعمة" المهم اكلت وشربت والحمدلله وكعورت كيس الاكل وكنت هارميه بس فجأة لاقيت نفسي بكلم الكيس وعلبة العصير: ....
انا ضاحكاً ضحكة حكيمة..(شبه بتاعة الروؤساء كدة) :
ههههههههه تصدقوا كنت لسه هارميكوا من الشباك بس ابقي غلطان ..هههه انا عايزكوا تاخدوا النصيحة دي من واحد غلبان زيي هههههه صحيح
ههههههههه تصدقوا كنت لسه هارميكوا من الشباك بس ابقي غلطان ..هههه انا عايزكوا تاخدوا النصيحة دي من واحد غلبان زيي هههههه صحيح
علبة العصير والكيس: ...........................!!!!
انا: ايه اللي هاتستفيدوه لما ارميكوا علي الارض وتفضلوا في مكانكم لحد ما حد يفكر يمد ايده ويشلكم من مكانكم ده اذا حصل ولو ماحصلش يبقي اتحكم عليكم تتحللوا في مكانكم وتبقي دي نهايتكم وماتقولوش ده قدرنا
علبة العصير والكيس: .............................!!!!
انا : انا حاكيلكوا حكاية صغيرة ...صلوا علي اللي نبي خالق الخلق وخلي الخلق مختلفين
علبة العصير والكيس: ................................ عليه الصلاة والسلام (نطقوا ...لا تخرج قبل ان تقول سبحان الله)
انا: وانا صغير كنت بتفرج علي اوبريت عرايس ماريونت كان معلق في دماغي اوي عارفين ايه هو ...هو الكتكوت الفصيح ..كتكوت قرر يسيب العشة بتاعته وعالمه الطبيعي وقرر يسرح ويكتشف الدنيا ويعيش التجربة ..لف ودار واتعلم واتعلم عليه وبعد ما فهم شوية قام رجع يشوف عشته وناسها ...لقي العشة زي ماهية بس الكتاكيت بقوا عواجيز انما هو لساته شباااااب ...عارفين انا قصدي ايه
علبة العصير والكيس: .............................!!!!
انا : قصدي خليكوا في القطر لفوا وشوفوا البلاد ومتخافوش ..هتلاقوا ناس طالعة وناس نازله اشكال والوان.. صعيدي وفلاحي وسوري..ريفي وبندري ...ابيض واسمر وقمحاوي ....ناس راكبة القطر وشايله الهم معاها وناس رميته قبل ما تركب ..ناس هتلاقي وشها بيحكي حكايات وناس بتيجي جنبك وتحكيلك حكايتها وتمشي وتختفي ...ناس رايحة تدور علي مستقبلها وناس رايحة تدور علي المجهول ...بصوا ..بصوا هناك ..شايفين الراجل ده ..دا القطر بقه بيته بعد ماكان كان وكان....بصوا ..بصوا.. شايفين الست اللي هناك دي ..دي معلمة كبيرة بلغت علي جوزها واترمي في السجن وخدت كل فلوسه ...بصوا بصوا ...شايفين دول..دول سوريين وطبعا عارفين حكايتهم ..بصوا عيالهم بصوا.. شبه الملك فاروق واخواته البنات وهما صوغيرين....احكيلكوا ايه ولا ايه ..اقولكوا ..احكيلكوا حكايتي.......
علبة العصير والكيس: __________________________
وما ان بدأت حكايتي,نظرت اليهم فلم اجدهم,,فقد قفذوا من القطار
..................................................................................تمت
..................................................................................تمت
ليست هناك تعليقات:
إرسال تعليق