جـــدي الــغــالـــي
جدي كان أفضل صديق لدي , دائما كنت الجأ إليه عندما تضييق بي الدنيا,كثيرا ما ارتميتفي أحضانه هروبا من الواقع أحيانا حضنه يسعني ويشعرني بالأمان .......
أزيكيا جدو
أهلابجميله الجميلات ..ارتمي في أحضانه مقبله يديه واجلس بجانبه , ايه يا جدو بتبصليكده ليه ؟
جدي: قوليلي أنتي في ايه ؟
انهمرتدموعي, هو أنا عايشه ليه ؟
جدي: أكيد كل واحد منا عنده رسالة وله هدف .
أنامش عاوزه أتجوز!!
جدى: دا قرارك الى هتندمى عليه بعدين ... انتى حرة .
أنارافضه حتمية الزواج, حتميه الفكرة
جديالغالي : معاكي حق طبعا ..
أتابع كل هدف العيله والأصدقاء والجيران والناس كلها أني أتجوز وكأن خلاص مفيش بنت في البلدغيري وحياتي وقفت علي كده ,والي يعرف واحد فاضي عاوز يتجوز يجيبه ويجي ... وكلعريس يدخل يفرض نفسه عليه.
جديالغالي : معاكي كل الحق طبعا , بس الناس دي بتتصرف من مصلحتك,والجواز عاده حتمية أناأما وصلت سن الجواز أبويا وأمي خطبولي واحده معرفهاش ولا عمري شفتها وفي المقابلبرضه هي لاشفتني ولا تعرفني, أهلها قالوها انك اتخطبتي وخلاص ولا حد خد رأيي فيحاجه ولا رأيها ,شوفتها يوم الفرح لأول مره وهي كمان برضه كانت أول مره تشوفني ..تعرفي كانت الحياة بسيطة والناس طيبه ..
هههههه أذاي يعني .. تكمل حياتك وتبني مستقبلك مع حد متعرفوش دا قرار مش سهل يا جدي ؟
جدي الغالى : فعلا قرار مش سهل خالص , خاصةاليومين دول ...تعرفى كنت خايف لجدتك تطلع وحشه أو بتعرج,كنت بتخيلها علي وصفهم وارسملهاشكل في خيالي...بس تصدقي كانوا احلي 45سنه جواز.
كانت بتحبك قوي جدتي الله يرحمها كان نفسها تفرح بي اووي دايما كانت تقولي نفسي اشوفكعروسة قبل ما اموت .
يضحك جدي وتظهر دموع الحزن في عينيه : ربنا يرحمها كان نفسها تفرح بيكي اووي .
ابتسم لجدي : منا قلتلها نعمل الكحك ونفرح واما العريس يجي نقوله خلاص عملنا الفرحوخلصنا . كنت فين يا أستاذ جاي متأخر ليه ؟
جدي مقهقها : صحيح أنت فين يا أستاذ ؟!عارفه جدتك كانت بتفهمني من نظره عين ..أنا كنتبعشقها ,ضحكتها كانت حلوه قوي حتي أما عجزت ومرضت حبيت أكون جنبها لآخر لحظه..
انافاكره انها مكنتش بتقدر تتحرك كانت راقده علي السرير بأمر الطبيب ,وكنت بتطبخ انت وتغسل وتعملها كل حاجه ورفضت أي حديكون جنبها في مرضها غيرك .
جدي: لانها مراتي , عشره اجمل سنين حياتي , الزواج نعمه الحب , تعرفي يا جميلة ؟
ايوه يا جدي
جدي: أنا هموت من الوحدة والفراغ , ياريتني مت قبلها .
ماتقولش كده يا جدي وقبلت يديه ,إحنا دايما معاك وأنا معاك علي طول .
جدي: ولو... غياب جدتك تارك فراغ 45سنه ...انتو جيل خايب ولا تعرفو حاجه عن الحبوالله جيل مسكين
حظنا، هنعمل ايه يعني .... بس أنت كنت بتحب جدتي رغم انك عشت معاها العمر دا كله!,والله غيرك كان مل وزهق .
جدي:غيري مش أصيل وميعرفش معني الحب وميقدرش العشرة,دا أنا بسمع حكايات اليومين دول تشيب الرأسالناس معتش عندها ضمير.
أفهم من كده ان الزواج عاده حتمية وخلاص لازم أتجوز عشان لازم أتجوز مفيش أسباب مقنعه للخطوةدي..
جديالغالي : أنتي بنت مميزه عقلك بيميزك عن إلي في سنك ,الزواج مش محتاج أسباب مقنعه.
هههههه أمال محتاج ايه؟
جدي:خلينيأكلمك عن شكل الجواز علي مر العصور يمكن اقربلك الصورة اكتر
أتفضل يا جدي
جدى الغالى : لا.. اشرب كوبايه شاي الأول من ايديكي الحلوة
ابتسم لرقه جدي معي : حاضر يا جدي .. من عينيا
...........................
ليست هناك تعليقات:
إرسال تعليق