قصه قصيرة مكررة

المشهد الاول

يوم 20/8/2015 عرفت بالصدفه البحته انه مطلوب سكرتيرة بمعهد الاورام بالمستشفي العسكرى فرحت قدمت ..

المشهد الثانى

بعد الظهر في المستشفي العسكري بصاله الانتظار المكان مكيف و العاملين هناك يبدوا عليهم انهم من عجينة تانيه غير عجينى البنى ادميين جلست اشاهد التلفاز ال 45 بوصه التوشيبا كان شغال مسلسل صعيدى به مشاهد خارجه ولكن الجميع مستمتع خرجت استنشق الهواء لحد ما دورى يجى وادخل اقابل المدير

المشهد الثالث

بمكتب المدير

مساء الخير
مساء النور
كنت جايه اقدم لوظيفه السكرتيرة
معاكى الس في
اه اتفضل
بعد ما شافه : ايه كل دا انتى فاضيه ولا ايه كل دى سي في
ابتسم ولا اعلق
المدير : طريقه كتابه السي في غريبه بس هعديها
انا : متشرفتش بحضرتك
انا العميد طيار ايهاب المغازى  مدير المعهد ... هنبعتلك اتفضلى انتى دلوقتى .
أعُقب : اعرف الرائد احمد بالمناسبة افتكر انه من نفس العيلة
العميد طيار في نظرة وتحول مفاجئ لغضب : بتاع مديرية الامن ؟؟ هو أحمد بقا مغازى أمتة ؟؟
وظل ينظر لى بانتظار إجابة منى وكأن المفروض يكون عندى اجابة وكأنى غلطت غلطه كبيرة  مثلا ولكن نظرتة حملتة كرهاً غير مفهوم بالنسبة لى فكسرت هذه الحده قائلة : و أعرف الدكتور تامر برضو
إبتسم قائلاً وقد هدأت ملامحه : أهو تامر الي مغازى أصيل
إبتسمت و أنصرفت  

المشهد الرابع

بعد ساعه في نفس اليوم اتصال من المستشفي العسكرى سياده العميد الطيار رشحك للانترفيو بالقاهرة الخميس الجاى بالتوفيق .

المشهد الخامس

يوم الخميس 27/8/2015

كنت بالقاهرة لعمل واضطريت استاذن للانترفيو المكان كان بمصر الجديده صعب الوصول وتهت وصرفت كتير فلوس لحد ما عرفت اوصل

المشهد السادس

بالشركه مقر الانترفيو

مساء الخير جايه من كفر الشيخ عندى انترفيو سكرتيرة بمعهد ارورام بكفر الشيخ

السكرتيرة تقطب جبيننها معندناش علم ان حد جاى من كفرا لشيخ ثوانى
دخلت للمدير اكتر من مرة . و المدير عمل كذا اتصال وبعد نصن ساعه من ناس
دخلت للمدير .

المشهد السابع

المدير : حضرتك العميد الطيار ايهاب  المغازى مبلغنيش انه هيبعت حد ولا بعت اوراق , معاكى سي في شهادتك وكنا اخترنا خلاص .

انا : اه معايا افضل , ( العميد الطيار الي من عائله مشهورة وذات نفوس يا تري ليه عمل كده )

المدير بعد ما بص في اوراقى سي في هايل اعتقد انك تقدرى تدى افضل في مكان تانى سي في اعلى من الوظيفه .

انا : نعم !!!!

المدير : طب خلينى اناقش الموضوع مع العميد ايهاب المغازى لاننا اختارنا خلاص ومعنديش فكرة بعتوكى ليه .

المشهد الثامن

رجعت الي البيت محبطه وموش فاهمه ايه الي حصل بعد برضه ماتهت وصرفت فلوس

المشهد التاسع

اتصلت بالشركه بالقاهرة بعد كام يوم حابه اعرف نتيجه الانترفيو ,,, بلغتنى السكرتيرة انه اختارو خلاص سكرتيرة .

المشهد العاشر

24/9/2015

عرفت بالصدفه بالحته ان السكرتيرة الي تم اختيارها بنت لواء طيار , وكانت مختارة اصلا من قبل العميد الطيار وبعت ورقها ومبعتش ورقى , لكنى موش فاهمه ليه كلمونى وبعتوونى القاهرة مشوار تعبت فيه وصرفت فيه اد كده
العميد طيار قاعد على مكتبه في التكييف يجامل حبابيه , عائلات بتجامل بعضها ويمرمطوا بنات الناس ...... صعبت عليا نفسي .

انتهت القصه