شلوط معنوي

نشرت 4 اكتوبر 2012
حوار راقي بين شاب وفتاه في 2020 علي الفيس بوك..
.البنت قاعده علي الفيس بوك كعادتها ,ليفاجأها ......................
الولد : انا مش مرتبط ع فكره

 البنت: نعم
 الولد: قلت اعرفك يعني ممكن تشاوري عقلك وتخطبيني .
البنت : هو انا كنت سالتك يا رخم افندي
 الولد: شكلك زعلانه مني وشايله كتيير ,هو انا زعلتك في حاجه ؟؟
البنت:روح اتسلي بعيد ياشاطر شكلك فاضي ومش لاقي حاجه تعملها
 الولد:انتي مشغوله ولا حاجه ؟
البنت: اه طبعا ,, هو انا فاضيلك .
 الولد:طب ربنا يعينك ,اسف علي تعطيلك .
 البنت: تصدق انك رخم
 الولد: اه منا عارف
البنت: انت ايه مشكلتك ياد انت, قولي يا فرفور ممكن اساعدك .
 الولد: بجد ولا تريقه
 البنت: جد طبعا يا عثل
 الولد: مشكلتي ان عائلتي كلها موظفين حكومه ما عاد انا ,طول النهار قاعد لوحدي مش بعمل حاجه, واخر النهار اما يرجعو برضه مشغولين ومحدش بيكلم معاي خالص.
البنت : طب ماتروح تشتغل انت كمان قاعد ليه ؟
الولد: نفسي بس مش بستمر في ولا شغلانه ,مش عارف ليه
 البنت : انت عاوز تبقي ايه طيب ؟
 الولد: اي حاجه انا مبدقش , وبشتغل اي حاجه معنديش مشكله,تقدري تقولي بتاع كله يعني .
البنت :واما انت بتاع كله مش فالح في ولا شغلانه ليه ؟
 الولد:مش عارف؟؟؟؟
البنت :طب بقولك ايه انزل عاكس البنات ف الشارع احسن
 الولد: ماليش نفس ,وبعدين انا مش بعاكس انا بتعاكس...
 البنت : اكيد طبعا
الولد: انا مش مرتبط بالمناسبه لو غيرتي رايك
 البنت :ماشي يا فستك