6نوفمبر 2012
عندما جأتني فرصه للعمل بمكان كنت احلم بالعمل يه رفضت الوساطه وقررت اعتمد علي نفسي ... وكانت البدايه
بصي يا حلوه اي نعم الحكومه فاتحه باب التقديم بس كله بحسابه دا طبعا موظف الحكومه
ايه دا عاوز رشوه يعني دا انا و بكل عبط
الموظف في بدلته الانيقه التي لاتتناسب مع مركزه الوظيفي :انا جيبت سيره رشوه انتي هتركبني ذنب استغفر الله استغفر الله
دا انا والدك يا بنتي وعاوز اساعدك حتي عيب اما تقولي كده استغفر الله استغفر الله
دا انا والدك يا بنتي وعاوز اساعدك حتي عيب اما تقولي كده استغفر الله استغفر الله
اثر في بصراحه وهو بيسبح ويستغفر قلت اكيد انا اتسرعت في الفهم ولا حاجه ,, حصل خير يا حج انا كنت جايه اقدم للوظيفه الفلانيه
والله انتي ذي بنتي ووشك سمح ودخلتي قلبي
الله يكرمك ... ااقدم فين ؟؟
بصي هو انتي شكلك اول مره تتعاملي مع الحكومه مش كده ؟؟
لا يا حج عادي بتعامل علي طووول ؟ ليه خير ؟
بصي يا بنتي هو مفيش تقديم . والحكومه معندهاش وظايف لحد
بس لاني عاوز اخدمك هدلك علي طريق الشغل ..
بس لاني عاوز اخدمك هدلك علي طريق الشغل ..
بفرحه بجد , اقدم فين ؟؟
بصي اطلعي للمدير بتاعنا الاستاذ رحيم الرحيم راجل طيب ومحترم والسبحه مش بتنزل من ايده
ما شاء الله ماشاء الله هو فين حضرتك ؟؟
هتلاقيه في الدور التاني علي طوول وفاتح مكتبه لكل حبايبه قوليله بس انك من طرف الاستاذ وديع البديع ...
..............................................................................
وفي مكتب الاستاذ رحيم الرحيم
وفي مكتب الاستاذ رحيم الرحيم
ايه دا ماش اءالله الراجل وشه سمح ومنور ان شاء الله خير :السلام عليكم الاستاذ رحيم الرحيم
وعليكم السلام ورحمه الله وبركاته ايوه انا يا بنتي اتفضلي خير ؟؟
لا ابدا كنت حابه ااقدم علي شغل في التربيه والتعليم مش في مسابقه برضه ؟؟؟
ههههههههههههه انتي طيبه اووي يا انسه ايوه كان في ؟؟
اه كان في وخلصت يعني ؟؟
لا دايما في مكان للحبايب .... انتي مين الي بعتك لي؟
الاستاذ وديع
طب خلاص يبقي اكيد فهمك علي النظام ....
مش اخده بالي نظام ايه ؟؟؟
اه يبقي يعتك تستفسري
اوما براسي ليكمل حديثه , الشغل كتير والحمد لله عاوزه تشتغلي فين؟؟
في التربيه والتعليم ...
طب والي يشغلك في وزارهالخارجيه شكلك بنت ناااس ولايقه عليكي اووي الوزاره دي .... ايه رايك ؟
استغربت قليلا هو بمذاجي انا الي هختار ؟؟؟!!
يضحك اومال ايه دي حكومه ما بعد الثوره ... دي الديمقراطيه يا انسه نشوف كل واحد عاوز يشتغل فين والغاوي ينقط بقطقيطه ....
نعم !!!!!!!
بصي كل وزاره وليها سعرها عاوزه تشتغلي في الخارجيه 50الف جنيه , عاوزه تشتغلي في التربيه والتعليم او الشباب والرياضه 15 الف جنيه .. عاوزه تشتغلي ف ال....... لا بلاش غاليه عليكي خلي في التلات وزارت دووول
ناااااااااااااااااااااااااااااااااااااااااااعم هي تسعيره كل وزاره ليها سعرها يعني ايه ؟؟؟
يغضب الراجل الي كان وشه منور من حبتين ليتحول الي مخلوق شيطاني بصوت مزعج فظيع : هوكده اذا كان عجبك ومتعليش صويك
انت مدير انت ؟؟؟؟
روحي اشتكيني مع السلامه يالا مش فاضيلك ......
طب اجيب المبلغ دا منين بالعقل كده يا راجل يا مفتري ؟؟؟
اشحتي اتصرفي ما الناس كلها بتدفع جت عليكي ...
ينتابني الضحك من حكومه اول الزمن ...
هأو^^
هأو^^
ليست هناك تعليقات:
إرسال تعليق